På fylkesårsmøtet vart Mariann Ulvestad frå Ålesund med varm applaus klappa inn som ny fylkesleiar for Møre og Romsdal SV.
Mariann sit i kommunestyret og helse- og omsorgsutvalet i Ålesund, og er no klar for å kaste kreftene inn i arbeidet å gjere Møre og Romsdal grønnare og meir rettferdig.
Folkestyret vårt er avhengig av at folk deltek. Melder seg inn i parti, tek på seg verv og let røysta si bli høyrt. Slik utviklar vi og fornyar demokratiet vårt. Med Mariann i spissen ønsker Møre og Romsdal SV å invitere enda fleire til å bli med på den store demokrati-dugnaden som folkestyret vårt er.