SV si liste til fylkestingsvalet er klar!

Marit Aklestad (40) frå Ørsta er partiets førstekandidat.  Aklestad har dei siste to periodane vore gruppeleiar for SV i Ørsta kommunestyre. Ho har eit sterkt engasjement for å oppretthalde og utvikle gode tenestetilbod nær der folk bur. Lokalt har ho fronta saker som jordvern, omfordeling til dei med minst og barns oppvekstvilkår.

På andreplass har partiet Yvonne Wold (46), godt kjent som ordførar i Rauma kommune. Wold sit i dag som SV sin gruppeleiar i fylkestinget. Wold er ein allsidig politikar med gode evner til å skape politiske resultat.

På dei neste plassane finn vi Anders Lindbeck (50) frå Ålesund, Line Karlsvik (45) frå Kristiansund og ungdomskandidaten Håvard Brændeland (18), også han frå Kristiansund. Vidaregåande opplæring er eit av dei store ansvarsområde for fylkeskommunen, og SV syns det er viktig at dei som no har dagleg i kontakt med skolesektoren, også er representert i fylkeskommunen sine styrande organ 

SV har med dette vedteke ei fylkestingsliste som speglar mangfaldet blant folk i fylket vårt og der alle delar av fylket er representert blant dei fremste på lista. SV er klar for å ta Møre og Romsdal i ei grønare og meir rettferdig retning og for å vere med på å fylle «bærekraftsfylket» med konkret innhald.

Dette er dei 10 første på SV si liste til haustens fylkestingsval:

	Namn	Fødselsår	Kommune
1	Marit Aklestad	1983	Ørsta
2	Yvonne Wold	1977	Rauma
3	Anders Lindbeck	1973	Ålesund
4	Line Karlsvik	1978	Kristiansund
5	Håvard Brændeland	2005	Kristiansund
6	Kim Thoresen	1984	Molde
7	Borghild Moe	1955	Kristiansund
8	Anna Klara Måseide	1978	Hareid
9	Manuel Navarro	1956	Sykkylven
10	Bjørn Jacobsen	1960	Molde